Elimizde 84 287 otbasyǵa jańartylǵan formattaǵy ataýly áleýmettik kómek 9,4 milliard teńge mólsherinde tólendi, dep habarlaidy eńbek jáne halyqty áleýmettik qorǵaý ministrliginiń baspasóz qyzmeti.
Jańartylǵan ataýly áleýmettik kómekke qujat qabyldaý osy jyldyń 1 sáýirinen beri júrip jatyr. Ótinish jumyspen qamtý ortalyqtary men aýyldyq ákimdikterde qabyldanady.
2 mamyrdaǵy málimet boiynsha, "E-Halyq" júiesi arqyly barlyǵy 148 649 ótinim (799 032 adam) túsken, sonyń ishinde 100 566 ótinish boiynsha oń sheshim qabyldandy, 41 647 ótinim qaralyp jatyr.
Eń kóp ótinish Túrkistan oblysy – 30 382 otbasy (180 179 adam), Almaty oblysy – 17 698 (93 399 adam) jáne Shymkent qalasynan – 17 275 otbasy (88 478 adam) túsken.
Sondai-aq, buǵan deiin ataýly áleýmettik kómek alyp kelgen 48 380 otbasy úshin tólenetin aqsha mólsheri avtomatty túrde qaita esepteldi.
"Búginde jańartylǵan formattaǵy ataýly áleýmettik kómek 84 287 otbasyna jalpy somasy 9,4 milliard teńge mólsherinde tólendi", - dep habarlady vedomstvonyń baspasóz qyzmeti.
Eńbek jáne halyqty áleýmettik qorǵaý ministrligi ataýly áleýmettik kómek ótinish bergen aidan bastap taǵaiyndalatynyn jáne ótinish berý kúnine táýeldi emes ekenin eske saldy.
Aita ketsek, osy jyldyń 1 sáýirinen bastap elimizde AÁK kórsetý mólsheri kúnkóris deńgeiiniń 50%-nen 70%-ne deiin kóterilip, 20 789 teńgeni qurady. Nátijesinde járdemaqy alýshylar sany 571,6 myń adamnan 830 myń adamǵa deiin ósedi. Bul rette, eger AÁK-tiń ortasha mólsheri buryn otbasynyń árbir múshesine 4 834 teńgeni quraǵan bolsa, endi ár balaǵa 20 789 teńge tólenedi.
Biyl ataýly áleýmettik kómekke barlyǵy 130 milliard teńgeden astam qarjy kózdelgen.
