Premer-Ministr Asqar Maminniń tóraǵalyǵymen ótken QR Úkimetiniń otyrysynda tegin meditsinalyq kómektiń kepildendirilgen kóleminiń tizimine ózgerister engizildi jáne 2020 jyly iske qosý josparlanǵan mindetti áleýmettik meditsinalyq saqtandyrý (MÁMS) júiesindegi meditsinalyq kómektiń jańa tizimi bekitildi.
QR Tuńǵysh Prezidenti Nursultan Nazarbaevtyń MÁMS júiesine kóshý boiynsha tapsyrmalaryn oryndaý barysy, tegin meditsinalyq kómektiń kepildendirilgen kólemi modelin engizý jáne Memleket basshysy Qasym-Jomart Toqaevtyń meditsinalyq qzymetterdiń sapasyn arttyrý boiynsha mindetterdiń oryndalýy týraly QR densaýlyq saqtaý ministri Eljan Birtanov baiandady. Sonymen qatar jergilikti infraqurylymnyń daiyndyǵy máselesi boiynsha birqatar óńirlerdiń ákimderi tyńdaldy.
«Bárimizdiń aldymyzda meditsinalyq qyzmetterdiń qoljetimdiligi men sapasyn arttyrý boiynsha ortaq mindet qoiylǵan», — dedi Asqar Mamin.
Qazaqstan Úkimeti meditsinalyq qyzmetterdiń qoljetimdiligi men sapasyn arttyrý boiynsha jumystardy jalǵastyratyn bolady. Osy rette, densaýlyq saqtaýdy damytýdyń 2025 jylǵa deiingi jańa memlekettik baǵdarlamasy ázirlenýde. Mańyzdy mindetterdiń biri — mindetti áleýmettik meditsinalyq saqtandyrýdy tiimdi engizý. Saqtandyrýdy tiimdi engizý úshin biylǵy 1 qyrkúiekten bastap Qaraǵandy oblysynda pilottyq joba iske qosylady, oǵan óńirdegi barlyq meditsinalyq uiymdar tartylady. A. Mamin atap ótkendei, bul tetikti barlyq óńirlerge taratý jáne 2020 jyldan bastap meditsinalyq saqtandyrý tolyq iske qosylǵan kezde eskerý qajet.
QR Premer-Ministri óńirlerdiń ákimderine meditsinalyq uiymdardy kompiýterlermen, úzdiksiz internetpen jáne aqparattyq júielermen jaraqtandyrý boiynsha máselelerdi sheshýdi tapsyrdy. Bul baǵytta Atyraý, Mańǵystaý, Pavlodar oblystarynda jumys sapaly túrde uiymdastyrylǵan.
Azamattardy meditsinalyq saqtandyrý júiesimen qamtýdy arttyrýǵa jekelegen kóńil bólý tapsyryldy. Ol úshin ózin-ózi jumyspen qamtyǵan turǵyndardy formalizatsiialaý boiynsha jumystardy aiaqtap, tegin meditsinalyq kómektiń kepildendirilgen kólemi men MÁMS boiynsha habardarlyq deńgeiin kóterý qajet.
«Árbir azamat memleket tarapynan kepildik retinde qandai meditsinalyq kómektiń tegin kórsetiletinin naqty bilýi tiis, — dedi A. Mamin. — Meditsinalyq kómektiń qoljetimdiligi men sapasy máselesi bárimiz úshin asa mańyzdy».
Otyrys aiasynda «Qazaqstan Respýblikasynyń Úkimeti týraly» Konstitýtsiialyq zańǵa sáikes Úkimet quramyna alǵash ret qosylǵan ministrler: bilim jáne ǵylym ministri A. Aimaǵambetovtiń, mádeniet jáne sport ministri A. Raiymqulovanyń, ekologiia, geologiia jáne tabiǵi resýrstar ministri M. Myrzaǵalievtiń ant berý rásimi ótti.
