Bul týraly Aqparat jáne qoǵamdyq damý ministri Aida Balaeva «ALJIR» memorialdy-murajai kesheninde jas tarihshylarmen kezdesý barysynda aitty, dep habarlaidy Baq.kz agenttigi.
Ministr ataǵandai, kópulttylyq Qazaqstan úshin tarihi qalyptasqan dúnie.Biz Prezident janyndaǵy arhivpen tyǵyz jumys isteýge daiynbyz. «Rýhani jańǵyrý» institýty men jastar institýty bar. Sol arqyly birsypyra birlesken jobalardy bastasaq bolady. Qazir bizde kóbi pikir bildiredi. Biraq sonyń jaýapkershiligin túsinbeidi. Alaida biz kópultty memleket bolǵannan keiin eń bastysy ár adam elimizdiń turaqtylyǵyn saqtaýdaǵy jaýapkershiligin sezinýi kerek. Sondyqtan ultaralyq turaqtylyq biz úshin óte mańyzdy, - dedi Balaeva.
Sol tarihty biz jastar arqyly ashýymyz kerek. Jastar izdenip, tarihty nasihattaýy kerek. Men ishki saiasat basqarmasynda jumys istegende Aqmola óńirine kelgen etnostardyń tarihyn zerttedik. Ol boiynsha shaǵyn kitap ta shyǵardyq. Lev Gýmilev atyndaǵy EUÝ-diń jas ǵalymdarymen birge júzege asyrǵan edik. Onda oblystyń arhivterinen tabylǵan maǵlumattar jinaqtaldy. Arhiv arqyly Aqmola óńirindegi ár otbasynyń tarihyn aitýǵa bolady. Ózimen qansha qarajat pen múlik, mal boldy, qujattar men bala sany syndy málimetter arhivterde aiqyndalyp jazylǵan. Qujattar arqyly tarihty zerttesek, ár qazaqstandyq saiasi turaqtylyq pen ultaralyq kelisimdi, Táýelsizdikti basqa deńgeide qabyldaityn edi, - dedi Aida Balaeva.
Aita keteiik, kezdesýge jas tarihshylar men ǵalymdar, saiasi qýǵyn-súrgin qurbandaryn tolyq aqtaý jóninde memlekettik komissiianyń ókilderi, ǵylymi-zertteý ortalyqtarynyń, muraǵattar men mýzeilerdiń qyzmetkerleri qatysty.
