Aqtóbe oblysynda janarmai quiý stantsiiasy mańynda jeńil avtokóliktiń órtenýi saldarynan úsh adam, onyń ishinde eki bala qaza tapqan oqiǵaǵa bailanysty qylmystyq is qozǵaldy, dep habarlaidy ult.kz.
Oblystyq politsiia departamentiniń málimetinshe, is Qylmystyq kodekstiń «Jarylys qaýpi bar obektilerdegi qaýipsizdik erejelerin buzý» baby boiynsha tirkelgen. Avtogaz quiý stantsiiasynyń iesi ustalyp, ýaqytsha ustaý izoliatoryna qamaldy.
Quqyq qorǵaý organdary oqiǵanyń barlyq mán-jaiy men sebepterin anyqtaýǵa baǵyttalǵan keshendi tergeý amaldaryn júrgizip jatyr. Tergeý barysy politsiia departamenti basshylyǵynyń erekshe baqylaýyna alynǵan.
Eske salaiyq, 19 maýsym kúni Aqtóbedegi Bógenbai batyr jáne Maqataev kósheleriniń qiylysynda ornalasqan avtogaz quiý stantsiiasynyń mańynda Honda avtokóligi órtengen bolatyn. Órt sóndirilgennen keiin kólik salonynan úsh adamnyń, onyń ishinde eki kámeletke tolmaǵan balanyń máiiti tabyldy. Taǵy bir adam túrli jaraqatpen aýrýhanaǵa jetkizildi.
