Aqtóbede er adamdy avtokóliktiń júksalǵyshyna kúshtep salyp áketken kúdiktiler ustaldy. Olardyń áreketi ózge kóliktiń beinetirkegishine túsip qalyp, jedel izdestirý barysynda kúdiktiler qolǵa tústi, dep habarlaidy ult.kz.
Oqiǵanyń kýágeri 102 arnasyna habarlasyp, er adamnyń kúshtep kóliktiń júksalǵyshyna otyrǵyzylǵanyn jetkizgen. Bul sát jol boiymen kele jatqan kóliktiń beinekamerasyna da jazylyp qalǵan.
Dabyldan keiin arnaiy maqsattaǵy bólimshe qyzmetkerleri men politseiler jedel áreket etip, kúdiktiler mingen Lexus avtokóligin toqtatyp, olardy ustady.
Aqtóbe oblystyq politsiia departamentiniń málimetinshe, oqiǵaǵa jol ústinde bolǵan janjal sebep bolǵan.
– Jábirlenýshi jaiaý júrginshiler ótkelinen ótip bara jatqanda júrgizýshige eskertý jasaǵan. Osydan keiin olardyń arasynda janjal týyndaǵan. Keiin kúdiktiler jábirlenýshiniń úiiniń mańyna kelip, onyń syrtqa shyǵýyn kútken. Ol taksige minbek bolǵan sátte jolyn bógep, kúshtep kólikten shyǵaryp, Lexus avtokóliginiń júksalǵyshyna salyp áketken, – dep habarlady vedomstvonyń baspasóz qyzmeti.
Atalǵan derek boiynsha adam urlaý baby boiynsha sotqa deiingi tergep-tekserý bastaldy. Kúdiktiler ýaqytsha ustaý izoliatoryna qamaldy.
