اقتٶبەدە ەر ادامدى اۆتوكٶلٸكتٸڭ جٷكسالعىشىنا كٷشتەپ سالىپ ەكەتكەن كٷدٸكتٸلەر ۇستالدى. ولاردىڭ ەرەكەتٸ ٶزگە كٶلٸكتٸڭ بەينەتٸركەگٸشٸنە تٷسٸپ قالىپ, جەدەل ٸزدەستٸرۋ بارىسىندا كٷدٸكتٸلەر قولعا تٷستٸ, دەپ حابارلايدى ult.kz.
وقيعانىڭ كۋەگەرٸ 102 ارناسىنا حابارلاسىپ, ەر ادامنىڭ كٷشتەپ كٶلٸكتٸڭ جٷكسالعىشىنا وتىرعىزىلعانىن جەتكٸزگەن. بۇل سەت جول بويىمەن كەلە جاتقان كٶلٸكتٸڭ بەينەكامەراسىنا دا جازىلىپ قالعان.
دابىلدان كەيٸن ارنايى ماقساتتاعى بٶلٸمشە قىزمەتكەرلەرٸ مەن پوليتسەيلەر جەدەل ەرەكەت ەتٸپ, كٷدٸكتٸلەر مٸنگەن Lexus اۆتوكٶلٸگٸن توقتاتىپ, ولاردى ۇستادى.
اقتٶبە وبلىستىق پوليتسييا دەپارتامەنتٸنٸڭ مەلٸمەتٸنشە, وقيعاعا جول ٷستٸندە بولعان جانجال سەبەپ بولعان.
– جەبٸرلەنۋشٸ جاياۋ جٷرگٸنشٸلەر ٶتكەلٸنەن ٶتٸپ بارا جاتقاندا جٷرگٸزۋشٸگە ەسكەرتۋ جاساعان. وسىدان كەيٸن ولاردىڭ اراسىندا جانجال تۋىنداعان. كەيٸن كٷدٸكتٸلەر جەبٸرلەنۋشٸنٸڭ ٷيٸنٸڭ ماڭىنا كەلٸپ, ونىڭ سىرتقا شىعۋىن كٷتكەن. ول تاكسيگە مٸنبەك بولعان سەتتە جولىن بٶگەپ, كٷشتەپ كٶلٸكتەن شىعارىپ, Lexus اۆتوكٶلٸگٸنٸڭ جٷكسالعىشىنا سالىپ ەكەتكەن, – دەپ حابارلادى ۆەدومستۆونىڭ باسپاسٶز قىزمەتٸ.
اتالعان دەرەك بويىنشا ادام ۇرلاۋ بابى بويىنشا سوتقا دەيٸنگٸ تەرگەپ-تەكسەرۋ باستالدى. كٷدٸكتٸلەر ۋاقىتشا ۇستاۋ يزولياتورىنا قامالدى.
