Aqtóbede 70 jastaǵy zeinetker internet-alaiaqtardyń qurbany bolyp, 750 myń teńgesinen aiyryldy. Bul týraly oblystyq politsiia departamenti málimdedi, dep habarlaidy ult.kz.
Tergeý málimetinshe, belgisiz adamdar keiýanaǵa WhatsApp messendjeri arqyly habarlasyp, ózderin emhana qyzmetkerleri retinde tanystyrǵan. Olar meditsinalyq qyzmetterdi ári qarai paidalaný úshin qaita tirkeýden ótý qajet ekenin aityp, áieldiń telefonyna kelgen SMS-kodty suratqan.
Arada biraz ýaqyt ótken soń zeinetkerge ózin eGov portaly men bank qyzmetkeri retinde tanystyrǵan taǵy birneshe adam qońyraý shalǵan. Olar alaiaqtardyń áieldiń bank shottaryna qol jetkizýge áreket jasap jatqanyn aityp, aqshasyn «saqtap qalý» úshin ózderiniń nusqaýlaryn oryndaýǵa kóndirgen.
Alaiaqtardyń sózine sengen keiýana olardyń aitqanyn oryndap, nátijesinde 750 myń teńgesinen aiyrylǵan.
Qazirgi tańda atalǵan fakti boiynsha sotqa deiingi tergeý bastaldy.
Politsiia azamattarǵa beitanys adamdarǵa SMS-kodtardy, bank kartalarynyń derekterin jáne jeke málimetterin bermeýge keńes beredi. Sonymen qatar memlekettik organdar men bank qyzmetkerleri telefon arqyly qupiia kodtardy suramaitynyn eske saldy.
