اقتٶبەدە 70 جاستاعى زەينەتكەر ينتەرنەت-الاياقتاردىڭ قۇربانى بولىپ, 750 مىڭ تەڭگەسٸنەن ايىرىلدى. بۇل تۋرالى وبلىستىق پوليتسييا دەپارتامەنتٸ مەلٸمدەدٸ, دەپ حابارلايدى ult.kz.
تەرگەۋ مەلٸمەتٸنشە, بەلگٸسٸز ادامدار كەيۋاناعا WhatsApp مەسسەندجەرٸ ارقىلى حابارلاسىپ, ٶزدەرٸن ەمحانا قىزمەتكەرلەرٸ رەتٸندە تانىستىرعان. ولار مەديتسينالىق قىزمەتتەردٸ ەرٸ قاراي پايدالانۋ ٷشٸن قايتا تٸركەۋدەن ٶتۋ قاجەت ەكەنٸن ايتىپ, ەيەلدٸڭ تەلەفونىنا كەلگەن SMS-كودتى سۇراتقان.
ارادا بٸراز ۋاقىت ٶتكەن سوڭ زەينەتكەرگە ٶزٸن eGov پورتالى مەن بانك قىزمەتكەرٸ رەتٸندە تانىستىرعان تاعى بٸرنەشە ادام قوڭىراۋ شالعان. ولار الاياقتاردىڭ ەيەلدٸڭ بانك شوتتارىنا قول جەتكٸزۋگە ەرەكەت جاساپ جاتقانىن ايتىپ, اقشاسىن «ساقتاپ قالۋ» ٷشٸن ٶزدەرٸنٸڭ نۇسقاۋلارىن ورىنداۋعا كٶندٸرگەن.
الاياقتاردىڭ سٶزٸنە سەنگەن كەيۋانا ولاردىڭ ايتقانىن ورىنداپ, نەتيجەسٸندە 750 مىڭ تەڭگەسٸنەن ايىرىلعان.
قازٸرگٸ تاڭدا اتالعان فاكتٸ بويىنشا سوتقا دەيٸنگٸ تەرگەۋ باستالدى.
پوليتسييا ازاماتتارعا بەيتانىس ادامدارعا SMS-كودتاردى, بانك كارتالارىنىڭ دەرەكتەرٸن جەنە جەكە مەلٸمەتتەرٸن بەرمەۋگە كەڭەس بەرەدٸ. سونىمەن قاتار مەملەكەتتٸك ورگاندار مەن بانك قىزمەتكەرلەرٸ تەلەفون ارقىلى قۇپييا كودتاردى سۇرامايتىنىن ەسكە سالدى.
