Aqtóbe oblysynyń Temir aýdanynda «Taza Qazaqstan» jalpyulttyq ekologiialyq aktsiiasy aiasynda erekshe shyǵarmashylyq joba júzege asyryldy, dep habarlaidy ult.kz.
Temir aýdandyq Kórkemsýret mektebiniń 6-synyp oqýshysy Qýanysh Jansaia Nurlanqyzy turmystyq qatty qaldyqtardy qaita óńdeý arqyly ulttyq naqyshtaǵy qazaq qyzynyń beinesin jasap shyqty.
Jas ónerpazdyń aitýynsha, týyndyny ázirleýge shamamen bir jarym ai ýaqyt ketken. Shyǵarmashylyq jumys barysynda ártúrli turmystyq qaldyqtar qoldanylyp, olardan qazaq halqynyń ulttyq bolmysyn beineleitin kórkem kompozitsiia qurastyrylǵan.
Joba qorshaǵan ortany qorǵaý mádenietin qalyptastyrýǵa, qaldyqtardy suryptaý men qaita óńdeýdiń mańyzyn nasihattaýǵa, sondai-aq ulttyq qundylyqtardy dáripteýge baǵyttalǵan.
Mamandardyń pikirinshe, mundai bastamalar óskeleń urpaqtyń tabiǵatqa degen jaýapkershiligin arttyryp, ekologiialyq mádenietti damytýǵa yqpal etedi. Sonymen qatar joba ekologiia men ónerdi ushtastyra otyryp, turmystyq qaldyqtarǵa jańa kózqaras qalyptastyrýdyń jarqyn úlgisin kórsetip otyr.
