اقتٶبە وبلىسىنىڭ تەمٸر اۋدانىندا «تازا قازاقستان» جالپىۇلتتىق ەكولوگييالىق اكتسيياسى اياسىندا ەرەكشە شىعارماشىلىق جوبا جٷزەگە اسىرىلدى, دەپ حابارلايدى ult.kz.
تەمٸر اۋداندىق كٶركەمسۋرەت مەكتەبٸنٸڭ 6-سىنىپ وقۋشىسى قۋانىش جانسايا نۇرلانقىزى تۇرمىستىق قاتتى قالدىقتاردى قايتا ٶڭدەۋ ارقىلى ۇلتتىق ناقىشتاعى قازاق قىزىنىڭ بەينەسٸن جاساپ شىقتى.
جاس ٶنەرپازدىڭ ايتۋىنشا, تۋىندىنى ەزٸرلەۋگە شامامەن بٸر جارىم اي ۋاقىت كەتكەن. شىعارماشىلىق جۇمىس بارىسىندا ەرتٷرلٸ تۇرمىستىق قالدىقتار قولدانىلىپ, ولاردان قازاق حالقىنىڭ ۇلتتىق بولمىسىن بەينەلەيتٸن كٶركەم كومپوزيتسييا قۇراستىرىلعان.
جوبا قورشاعان ورتانى قورعاۋ مەدەنيەتٸن قالىپتاستىرۋعا, قالدىقتاردى سۇرىپتاۋ مەن قايتا ٶڭدەۋدٸڭ ماڭىزىن ناسيحاتتاۋعا, سونداي-اق ۇلتتىق قۇندىلىقتاردى دەرٸپتەۋگە باعىتتالعان.
مامانداردىڭ پٸكٸرٸنشە, مۇنداي باستامالار ٶسكەلەڭ ۇرپاقتىڭ تابيعاتقا دەگەن جاۋاپكەرشٸلٸگٸن ارتتىرىپ, ەكولوگييالىق مەدەنيەتتٸ دامىتۋعا ىقپال ەتەدٸ. سونىمەن قاتار جوبا ەكولوگييا مەن ٶنەردٸ ۇشتاستىرا وتىرىپ, تۇرمىستىق قالدىقتارعا جاڭا كٶزقاراس قالىپتاستىرۋدىڭ جارقىن ٷلگٸسٸن كٶرسەتٸپ وتىر.
