Aqtóbe oblysynda mal baǵyp júrgen 14 jastaǵy jasóspirim sýǵa batyp kóz jumdy, dep habarlaidy ult.kz.
Aqtóbe oblysynyń Áiteke bi aýdanynda qaiǵyly oqiǵa boldy. Mal baǵyp júrgen 14 jastaǵy mektep oqýshysy sýǵa batyp qaza tapty.
Aldyn ala málimet boiynsha, jasóspirim inisimen birge jaiylymda mal baǵyp júrgen. Keiin olar erigen qar sýy jinalǵan jyraǵa shomylmaq bolǵan. Alaida bala sýǵa túsip, qaita shyǵa almai qalǵan.
Oqiǵa ornyna shaqyrylǵan qutqarýshylar men tiisti qyzmet ókilderi jasóspirimniń denesin sýdan alyp shyqqan. Ókinishke qarai, ony aman alyp qalý múmkin bolmaǵan.
Qazir qaiǵyly oqiǵanyń naqty mán-jaiy anyqtalyp jatyr. Quzyrly organdar tekserý jumystaryn júrgizýde.
Mamandar ata-analardy balalardy qaraýsyz qaldyrmaýǵa jáne olardy shomylýǵa arnalmaǵan sý aidyndaryna jibermeýge shaqyrady. Ásirese jaz mezgilinde erigen qar sýy men qoldan jasalǵan sý jinalatyn oryndar asa qaýipti ekenin eskertedi.
