Aqtaý qalasynyń Mamandandyrylǵan ákimshilik quqyq buzýshylyqtar jónindegi soty azamatsha R.-ǵa qatysty jala jabý faktisi boiynsha ákimshilik isti qarady, dep habarlaidy ult.kz.
Sottyń málimetinshe, is Ákimshilik quqyq buzýshylyq týraly kodekstiń 73-3-babynyń 2-bóligi boiynsha qaralǵan. Atalǵan bap basqa adamnyń ar-namysy men qadir-qasietine nuqsan keltiretin nemese iskerlik bedeline ziian keltiretin kórineý jalǵan málimetterdi kópshilik aldynda, buqaralyq aqparat quraldary nemese telekommýnikatsiia jelileri arqyly taratqany úshin jaýapkershilikti kózdeidi.
Is materialdaryna sáikes, biyl mamyr aiynda áleýmettik jelilerge júrgizilgen monitoring barysynda azamatsha R.-nyń Facebook, Instagram jáne WhatsApp chattarynda jariialaǵan jazbalary anyqtalǵan.
Sottyń anyqtaýynsha, ol jariialanymdarda Sh. Esenov atyndaǵy Kaspii tehnologiialar jáne injiniring ýniversiteti oqytýshylary týraly shyndyqqa sáikes kelmeitin málimetter taratqan. Bul aqparattar ustazdardyń ar-namysyna, qadir-qasietine jáne iskerlik bedeline nuqsan keltirgen dep tanylǵan.
Sot otyrysynda azamatsha R. ózine taǵylǵan aiyppen kelispeitinin aityp, kinásin moiyndamaǵan. Al ýniversitet ókili ony zań talaptaryna sáikes ákimshilik jaýapkershilikke tartýdy surady.
Sot barysynda quqyq buzýshynyń kinási jábirlenýshiniń túsiniktemelerimen, áleýmettik jelilerdegi jariialanymdarmen, qyzmetkerlerdiń ujymdyq aryzymen, politsiia inspektorynyń raportymen, ákimshilik quqyq buzýshylyq týraly hattamamen jáne ózge de dáleldermen rastalǵan.
Nátijesinde sot azamatsha R.-ny kináli dep tanyp, oǵan 180 ailyq eseptik kórsetkish kóleminde, iaǵni 778 500 teńge mólsherinde aiyppul salý týraly sheshim shyǵardy.
