Memleket basshysy Qasym-Jomart Toqaevtyń elimizde himiia ónerkásibin damytý jáne óndiriletin ónim túrlerin ártaraptandyrý jónindegi tapsyrmalaryn oryndaý sheńberinde QR Úkimeti Ónerkásip jáne qurylys ministrligi men «KazAzot PRIME» JShS arasyndaǵy Mańǵystaý oblysy aýmaǵynda ammiak-karbamid keshenin salý jobasy boiynsha investitsiialar týraly kelisimge qol qoiýdy maquldady, dep habarlaidy ult.kz. Tiisti qaýlyǵa Premer-ministr Oljas Bektenov qol qoidy.
Elimizdegi alǵashqy karbamid óndirý zaýyty Aqtaý qalasynda salynady. Jobanyń jalpy investitsiia kólemi 804,2 mlrd teńgeni quraidy. Kásiporyndy paidalanýǵa berý 2030 jylǵa josparlanǵan. Qurylys kezeńinde 1,5 myńǵa jýyq jumys orny, keshen iske qosylǵannan keiin – 700 turaqty jumys orny ashylady.
Bolashaq keshenniń qýattylyǵy jyl saiyn 660 myń tonnaǵa deiin ammiak, 580 myń tonnaǵa jýyq karbamid jáne 500 myń tonna ammiak selitrasyn shyǵarýǵa múmkindik beredi.
Jobany júzege asyrý eldiń agrohimiialyq salasyn damytý úshin strategiialyq mańyzǵa ie. Búginde karbamid Qazaqstanda óndirilmeidi, biraq kórshi elderden importtalady. Karbamid azotty tyńaitqysh retinde aýyl sharýashylyǵynda ártúrli daqyldarǵa arnalǵan barlyq topyraqtarda negizgi tyńaitqysh retinde keńinen qoldanylady jáne ishki naryqta suranysqa ie.
Jańa kásiporynnyń iske qosylýy otandyq fermerlerdi óz óndirisiniń ónimimen qamtamasyz etýge, importqa táýeldilikti azaitýǵa jáne eksporttyq áleýetti nyǵaitýǵa múmkindik beredi.
Qazirgi ýaqytta azotty tyńaitqyshtardyń jalǵyz otandyq óndirýshisi – «QazAzot» AQ. Elimizde Aqtaý jobasynan basqa, SNPS-Aqtóbemunaigaz kompaniiasymen birlesip, KazESTA jáne KMG PetroChem JShS júzege asyratyn taǵy eki karbamid óndirý jobasy josparlanǵan. Bul azot tyńaitqyshtarynyń otandyq óndirisi qýattylyǵyn edáýir arttyrýǵa jáne importqa táýeldilikti azaitýǵa múmkindik beredi.
2030 jylǵa qarai barlyq investitsiialyq jobalar iske qosylǵan kezde ammiak ónimin óndirýdiń boljamdy kólemi 2,3 mln tonnaǵa jetedi dep kútilýde. Osy sharalardyń nátijesinde Qazaqstan otandyq sharýalardyń qajettilikterin tolyq qamtamasyz etip qana qoimai, eleýli eksporttyq áleýetti qalyptastyra alady.
