Aqtaýda jeke emhanada liposaktsiia jasatqan turǵynnyń densaýlyǵy kúrt nasharlap, oǵan shuǵyl ota jasaýǵa týra keldi. Qazir bul oqiǵaǵa bailanysty Mańǵystaý oblystyq sanitariialyq-epidemiologiialyq baqylaý departamenti epidemiologiialyq tergeý júrgizip jatyr, dep habarlaidy ult.kz.
Lada.kz jazýynsha, Aqtaý turǵyny Kamila Nurjannyń aitýynsha, liposaktsiiadan keiin ish tusy qatty aýyryp, qabyný paida bolǵan. Keiin jaradan iriń aǵyp, jaǵymsyz iis shyǵa bastaǵan. Ol birneshe ret ota jasaǵan emhanaǵa júgingenimen, dárigerler muny qalypty ońalý protsesi dep túsindirip, kúte turýǵa keńes bergen.
Alaida jaǵdaiy nasharlaǵan áiel 29 maýsymda Mańǵystaý oblystyq kópbeiindi aýrýhanasyna shuǵyl jetkizilip, oǵan jedel operatsiia jasalǵan. Dárigerler oǵan qursaq qabyrǵasynyń flegmonasy – jumsaq tinderdiń jedel irińdi qabynýy diagnozyn qoiǵan. Ota barysynda zaqymdanǵan aimaq tazartylǵan.
Patsienttiń sózinshe, liposaktsiia jasaǵan klinika asqynýdy aǵzanyń jeke ereksheligimen bailanystyryp, jaýapkershilikti moiyndamaǵan.
Osydan keiin áiel Densaýlyq saqtaý ministrliginiń Meditsinalyq jáne farmatsevtikalyq baqylaý komitetine, sanitariialyq-epidemiologiialyq baqylaý organdaryna shaǵym túsirgen. Ol klinikanyń litsenziiasyn, sanitariialyq talaptardyń saqtalýyn, kórsetilgen meditsinalyq kómektiń sapasyn jáne dárigerlerdiń áreketin tekserýdi talap etip otyr. Sonymen qatar protsedýraǵa tólegen 450 myń teńgeni qaitarýdy jáne zańbuzýshylyq anyqtalǵan jaǵdaida kinálilerdi jaýapqa tartýdy suraidy.
Meditsinalyq jáne farmatsevtikalyq baqylaý komitetiniń Mańǵystaý oblysy boiynsha departamenti atalǵan shaǵym negizinde plastikalyq hirýrgiia men epidemiologiia salasyndaǵy táýelsiz sarapshylardy tarta otyryp, jospardan tys tekserý júrgiziletinin málimdedi.
Al oblystyq sanitariialyq-epidemiologiialyq baqylaý departamenti kópbeiindi aýrýhanadan túsken shuǵyl habarlama negizinde epidemiologiialyq zertteý bastalǵanyn habarlady. Onyń qorytyndysy keiin jariialanady.
Sonymen birge Mańǵystaý oblystyq Politsiia departamenti 13 shildedegi jaǵdai boiynsha bul oqiǵaǵa qatysty Kamila Nurjannan resmi aryz túspegenin málimdedi. Sondyqtan qylmystyq is tirkelmegen. Politsiia aryz túsken jaǵdaida zań aiasynda tiisti sheshim qabyldanatynyn atap ótti.
Kamila Nurjan liposaktsiia jasaý týraly sheshimdi klinikanyń Instagram jelisindegi paraqshasyn kórgennen keiin qabyldaǵanyn aitty. Onyń sózinshe, protsedýra aldynda klinikanyń litsenziiasy men dárigerdiń biliktiligin teksermegen. Sondai-aq oǵan aýyr asqynýlardyń bolýy múmkin ekeni tolyq túsindirilmegenin jetkizdi.
Qazir oqiǵanyń barlyq mán-jaiyn quzyrly organdar anyqtap jatyr.
