Aqtaýda teńiz jaǵalaýynda boijetkenge kúsh kórsetip, qorqytty degen kúdikpen er adam ustaldy, dep habarlaidy ult.kz.
KTK arnasynyń habarlaýynsha, áleýmettik jelide taraǵan beinejazbada er adamnyń qyzdy kúshtep ustap, oǵan qoqan-loqy kórsetkeni kórinedi. Boijetkenge oqiǵa ornynan ótip bara jatqan adamdar arasha túsip, keiin júrgizýshilerdiń biri ony kóligine otyrǵyzyp, qaýipsiz jerge alyp ketken.
Mańǵystaý oblystyq politsiia departamentiniń málimetinshe, oqiǵaǵa qatysy bar barlyq azamat anyqtalyp, ustaldy. Olar politsiia basqarmasyna jetkizilip, ýaqytsha ustaý izoliatoryna qamaldy.
Atalǵan derek boiynsha qylmystyq is qozǵaldy. Qazir oqiǵanyń barlyq mán-jaiy anyqtalyp jatyr.
