Aqtaýda saýda ornynyń ashylýyna orai balalarǵa tegin balmuzdaq pen iogýrt taratqan kásipker ákimshilik jaýapkershilikke tartyldy, dep habarlaidy ult.kz.
Oqiǵa 1 tamyz kúni 14-shaǵynaýdandaǵy kásipkerlik nysandardyń birinde bolǵan. Ashylý rásimi aiasynda kásipker balalarǵa 50 balmuzdaq pen 30 iogýrtty tegin úlestirgen.
Qalalyq ákimdiktiń málimetinshe, mundai kópshilik qatysatyn aktsiialardy ótkizer aldynda jergilikti atqarýshy organnan tiisti ruqsat alynýy tiis. Bul talap oryndalmaǵandyqtan, kásipkerge Ákimshilik quqyq buzýshylyq týraly kodekske sáikes 20 ailyq eseptik kórsetkish kóleminde, iaǵni 86 500 teńge aiyppul salyndy.
Ákimdik kásipkerlerdiń áleýmettik jáne qaiyrymdylyq bastamalaryn qoldaitynyn, alaida mundai is-sharalar qoldanystaǵy zań talaptaryna sai uiymdastyrylýy qajet ekenin atap ótti.
Sondai-aq vedomstvo balalarǵa arnalǵan aktsiialardy ótkizgen kezde adamdardyń jappai jinalýynan týyndaýy múmkin qaýipterdi eskerip, qaýipsizdik sharalaryn saqtaýǵa jáne aldyn ala qajetti ruqsattardy rásimdeýge shaqyrdy.
