Mańǵystaý oblysynda júrgizilgen jedel-izdestirý sharalary barysynda 20 kelige jýyq marihýana tárkilenip, asa iri mólsherde esirtki saqtady degen kúdikpen birneshe adam ustaldy, dep habarlaidy ult.kz.
«Qarasora» jáne «Dármek» respýblikalyq jedel-profilaktikalyq is-sharalary aiasynda oblystyq politsiia departamentiniń Esirtki qylmysyna qarsy is-qimyl basqarmasy prokýratýranyń úilestirýimen jáne UQK departamentimen birlesip arnaiy operatsiia ótkizdi.
Nátijesinde Aqtaý qalasyndaǵy bazarlardyń biriniń aýmaǵynda asa iri kólemdegi esirtki zattaryn zańsyz saqtady degen kúdikpen azamat ustaldy.
Tergeý barysynda kúdiktiniń paidalanǵan qoimasynan ósimdik tektes esirtki zattary tárkilendi. Sonymen qatar onyń turǵylyqty mekenjaiyn tintý kezinde qosymsha esirtkiler men olardy qoldanýǵa arnalǵan qurylǵylar tabylǵan.
Jedel sharalar barysynda bul iske qatysy bolýy múmkin taǵy bir azamat qolǵa tústi.
Sot-saraptama qorytyndysy tárkilengen zattyń marihýana ekenin rastady. Onyń jalpy salmaǵy shamamen 20 kelini qurap, asa iri mólsher sanatyna jatqyzylǵan.
Atalǵan fakti boiynsha sotqa deiingi tergeý amaldary júrgizilýde. Negizgi kúdikti ýaqytsha ustaý izoliatoryna qamaldy. Qazir quqyq qorǵaý organdary esirtkiniń jetkizý arnalary men qylmystyń basqa da mán-jailaryn anyqtap jatyr.
