ماڭعىستاۋ وبلىسىندا جٷرگٸزٸلگەن جەدەل-ٸزدەستٸرۋ شارالارى بارىسىندا 20 كەلٸگە جۋىق ماريحۋانا تەركٸلەنٸپ, اسا ٸرٸ مٶلشەردە ەسٸرتكٸ ساقتادى دەگەن كٷدٸكپەن بٸرنەشە ادام ۇستالدى, دەپ حابارلايدى ult.kz.
«قاراسورا» جەنە «دەرمەك» رەسپۋبليكالىق جەدەل-پروفيلاكتيكالىق ٸس-شارالارى اياسىندا وبلىستىق پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسى پروكۋراتۋرانىڭ ٷيلەستٸرۋٸمەن جەنە ۇقك دەپارتامەنتٸمەن بٸرلەسٸپ ارنايى وپەراتسييا ٶتكٸزدٸ.
نەتيجەسٸندە اقتاۋ قالاسىنداعى بازارلاردىڭ بٸرٸنٸڭ اۋماعىندا اسا ٸرٸ كٶلەمدەگٸ ەسٸرتكٸ زاتتارىن زاڭسىز ساقتادى دەگەن كٷدٸكپەن ازامات ۇستالدى.
تەرگەۋ بارىسىندا كٷدٸكتٸنٸڭ پايدالانعان قويماسىنان ٶسٸمدٸك تەكتەس ەسٸرتكٸ زاتتارى تەركٸلەندٸ. سونىمەن قاتار ونىڭ تۇرعىلىقتى مەكەنجايىن تٸنتۋ كەزٸندە قوسىمشا ەسٸرتكٸلەر مەن ولاردى قولدانۋعا ارنالعان قۇرىلعىلار تابىلعان.
جەدەل شارالار بارىسىندا بۇل ٸسكە قاتىسى بولۋى مٷمكٸن تاعى بٸر ازامات قولعا تٷستٸ.
سوت-ساراپتاما قورىتىندىسى تەركٸلەنگەن زاتتىڭ ماريحۋانا ەكەنٸن راستادى. ونىڭ جالپى سالماعى شامامەن 20 كەلٸنٸ قۇراپ, اسا ٸرٸ مٶلشەر ساناتىنا جاتقىزىلعان.
اتالعان فاكتٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. نەگٸزگٸ كٷدٸكتٸ ۋاقىتشا ۇستاۋ يزولياتورىنا قامالدى. قازٸر قۇقىق قورعاۋ ورگاندارى ەسٸرتكٸنٸڭ جەتكٸزۋ ارنالارى مەن قىلمىستىڭ باسقا دا مەن-جايلارىن انىقتاپ جاتىر.
