AQSh-ta Qazaqstan azamaty Elaman Baltagerei terrorizmge qatysy bar degen kúdikpen ustaldy. Operatsiiany AQSh-tyń Immigratsiia jáne kedendik baqylaý qyzmeti (ICE) 5 maýsymda arnaiy is-shara barysynda júrgizgen, dep habarlaidy ult.kz.
Vedomstvo málimetinshe, ótken jyldyń jazynda AQSh immigratsiialyq soty ony elden deportatsiialaý týraly sheshim shyǵarǵan. Alaida azamat sot otyrysyna qatyspaǵan, bul da qosymsha quqyqtyq negiz retinde kórsetilgen.
Quzyrly organdardyń habarlaýynsha, er adamǵa terrorlyq qyzmetke qatysy bolýy múmkin degen kúdikke bailanysty qamaýǵa alý sharasy qoldanylǵan. Qazirgi tańda oǵan qatysty AQSh aýmaǵynan shyǵarý týraly burynǵy sot sheshimi kúshinde tur.
Aita keteiik, buǵan deiin AQSh-tyń Illinois shtatynda, Chikago mańynda iz-túzsiz joǵalyp ketken 24 jastaǵy Qazaqstan azamaty Áset Quralbaidyń máiiti tabylǵany habarlanǵan bolatyn.
