AQSh-tyń Chikago qalasynda turatyn qazaqstandyq azamat iz-tússiz joǵalyp ketti. 24 jastaǵy Áset Quralbai sońǵy ret 2 maýsymda bailanysqa shyqqan, al 7 maýsymnan bastap onyń telefony óshirýli kúide bolǵan, dep habarlaidy ult.kz.
Jigittiń jeke qujattary men bank kartalary úiinde qalǵan. 10 maýsym kúni politsiia onyń Toyota Camry kóligin tapqanymen, azamattyń ózi áli kúnge deiin tabylǵan joq.
Bul aqparat áleýmettik jelilerde taraǵannan keiin, oqiǵany Qazaqstannyń Syrtqy ister ministrligi rastady.
«Qazaqstan azamaty Áset Quralbaidyń Chikagoda joǵalyp ketýine bailanysty Syrtqy ister ministrligi habardar. Qazirgi ýaqytta qazaqstandyq diplomattar AQSh-tyń quzyretti organdarymen birlesip, oqiǵanyń mán-jaiyn anyqtap jatyr», – delingen vedomstvo habarlamasynda.
Sondai-aq Qazaqstannyń Niý-Iorktegi Bas konsýldyǵy azamattyń týystarymen turaqty bailanysta ekeni aityldy.
