AQSh pen Iran kópjyldyq teketiresti retteýge baǵyttalǵan ózara túsinistik týraly memorandýmǵa qol qoidydep habarlaidy ult.kz.
Qujatqa AQSh prezidenti Donald Tramp pen Iran prezidenti Masýd Pezeshkian qol qoiǵan. Kelisimge qol qoiý rásimi Frantsiia prezidenti Emmanýel Makron uiymdastyrǵan saraidaǵy keshki as barysynda ótken.
Memorandýmnyń kúshine engenin alǵash bolyp kelissózderde deldaldyq jasaǵan Pákistan premer-ministri Shahbaz Sharif habarlady. Onyń málimdeýinshe, qujat qol qoiylǵan sátten bastap kúshine engen.
Memorandým 14 tarmaqtan turady. Negizgi kelisimderdiń qatarynda áskeri is-qimyldardy toqtatý, Ormýz buǵazyn ashý jáne minalardan tazartý, AQSh sanktsiialaryn alyp tastaý, Iran aktivterin buǵattan shyǵarý, sondai-aq aldaǵy 60 kún ishinde tolyqqandy kelisim ázirleý máseleleri bar.
Budan bólek, taraptar Irannyń iadrolyq baǵdarlamasy boiynsha qazirgi jaǵdaidy Halyqaralyq atom energiiasy agenttiginiń (MAGATE) baqylaýymen saqtaýǵa jáne Livannyń aýmaqtyq tutastyǵyn qoldaýǵa kelisken.
Shahbaz Shariftiń aitýynsha, memorandýmnyń alǵashqy qadamy retinde Iran Ormýz buǵazyn qaita ashady, al AQSh teńiz blokadasyn toqtatady.
Qujatqa qol qoiylǵanyn Vashington men Tegeran biligi de rastaǵan.
