Qazaqstan Ulttyq Banki AQQÝ kollektsiialyq monetalaryn ainalymǵa shyǵarady.
Monetalardyń satylymǵa shyǵatyn kúnine qatysty aqparat QUB-tyń resmi saitynda qosymsha habarlanady.
AQQÝ kollektsiialyq monetalary týraly
Nominaly 5 000 jáne 500 teńgelik kúmisten jáne nominaly 200 jáne 100 teńgelik melhiordan jasalǵan AQQÝ monetalary «Kóshpendilerdiń ǵibadat janýarlary – totemderi» seriiasyn jalǵastyrady. Bul seriia monetalarynyń dizainy «saqtardyń ań stili» dep ásirelep berilgen janýardyń natýralistik jáne trafarettik keskininiń úilesýine negizdelgen.
Kóne túrkiler uǵymynda aqqý eń ejelgi totemderdiń biri, áýlie ana jáne urpaq jalǵastyrýshy pir – Umai bolyp sanalǵan.
Nominaly 5 000 teńgelik jáne 500 teńgelik AQQÝ monetalarynyń sipattamasy
Monetalar altyn jalatý tehnologiiasymen jáne gaýhar tasyn qondyrý arqyly daiyndaldy. Monetalardyń bet jaǵy men syrtqy kelbetindegi beineleri birdei. Bet jaǵynda (aversinde) ulttyq oiý-órnektiń qorshaýynda soǵylǵan jyly, nominaly, Qazaqstan teńge saraiynyń taýar belgisi men moneta daiyndalǵan metall, onyń synamasy men massasy týraly jazba bar. Ainaldyra – QAZAQSTAN RESPÝBLIKASY • REPUBLIC OF KAZAKHSTAN dep jazylǵan.
Monetalardyń ekinshi betinde (reversinde) diametri 2 mm gaýhar ornatylǵan aqqýlardyń natýralistik jáne trafarettik beinesinen kompozitsiia, monetanyń joǵary bóliginde «AQQÝ» jazýy kórinis tapqan. Monetany ainaldyra dekorativtik resimdeý elementteri bar úlken jiek júrgizilgen.
Nominaly 200 jáne 100 teńgelik AQQÝ monetalarynyń sipattamasy
Moneta aversiniń ortalyq bóliginde ulttyq oiý-órnektiń qorshaýynda Qazaqstan Respýblikasynyń eltańbasy, Qazaqstan teńge saraiynyń taýar belgisi jáne moneta daiyndalǵan metall, onyń synamasy men massasy týraly jazba beinelengen. Ainaldyra – QAZAQSTAN RESPÝBLIKASY jáne REPUBLIC OF KAZAKHSTAN dep jazylǵan. Joǵary jaǵynda soǵylǵan jylyn bildiretin «2021» degen jazý, tómengi bóliginde nominalyn bildiretin «500 TEŃGE» degen jazý ornalasqan.
Monetalardyń reversinde aqqýlardyń natýralistik jáne trafarettik beinesinen kompozitsiia, monetanyń joǵary bóliginde AQQÝ jazýy basylǵan. Ainaldyra dekorativtik resimdeý elementteri bar úlken jiek júrgizilgen.
Monetalar:
- 925/1000 synamdy kúmisten, massasy 25 oz (777,5 gramm), diametri
100 mm, diametri 2 mm bir gaýhar ornatylǵan, proof sapasymen, nominaly 5 000 teńgelik, taralymy 350 dana;
- 925/1000 synamdy kúmisten, massasy 31,1 gramm, diametri 38,61 mm, diametri 1 mm bir gaýhar ornatylǵan, proof sapasymen, nominaly 500 teńgelik, taralymy 4 000 dana;
- MN 25 melhior qospasynan, massasy 15 gramm, diametri 33 mm, rroof-like daiyndaý sapasymen, nominaly 200 teńgelik, taralymy 10 000 dana;
- MN 25 melhior qospasynan, massasy 11,17 gramm, diametri 31 mm, brilliant uncirculated sapasymen, nominaly 100 teńgelik, taralymy 30 000 dana daiyndaldy.
Barlyq moneta naqty quny boiynsha Qazaqstan Respýblikasynyń búkil aýmaǵynda tólemderdiń kez kelgen túri boiynsha qabyldaýǵa, sondai-aq Qazaqstan Respýblikasynyń barlyq bankindegi shottarda aýdarýǵa, usaqtaýǵa jáne aiyrbastaýǵa jatady.
Kúmisten jasalǵan monetalar kádesyi oramynda memlekettik tilde, orys jáne aǵylshyn tilderinde QUB nómirlik sapa sertifikatymen shyǵarylady.
Kollektsiialyq monetalar Qazaqstan teńge saraiynda daiyndalǵan.
