Aqmola oblysynda 65 jastaǵy muǵalim internet-alaiaqtardyń arbaýyna túsip, jalǵan investitsiialyq platformaǵa 7,5 mln teńge aýdaryp jibergen, dep habarlaidy ult.kz.
Aqmola oblysy politsiia departamentiniń málimetinshe, er adam ótken jyldyń shilde aiynda ózin investitsiialyq kompaniia retinde tanystyrǵan internet-platformaǵa tirkelgen. Osydan keiin oǵan «qarjy keńesshileri» habarlasyp, joǵary tabys pen investitsiianyń jyldam ósetinine sendirip, qarajat salýǵa kóndirgen.
Jábirlenýshi birneshe ai boiy alaiaqtar kórsetken esepshottarǵa aqsha aýdaryp otyrǵan. Jeke jinaǵy taýsylǵannan keiin tanystary men áriptesterinen qaryz alyp, investitsiia jasaýdy jalǵastyrǵan. Osylaisha ol alaiaqtarǵa jalpy 7,5 mln teńge jibergen.
Aqshasyn keri qaitara almaǵannan keiin jáne ózin investitsiialyq kompaniia ókilderi bailanysyn úzgen soń ǵana er adam alaiaqtardyń qurbany bolǵanyn túsinip, politsiiaǵa júgingen.
Atalǵan fakti boiynsha sotqa deiingi tergeý bastaldy. Qazirgi ýaqytta quqyq qorǵaý organdary qylmysqa qatysy bar adamdardy anyqtaý úshin jedel-izdestirý sharalaryn júrgizip jatyr.
Politsiia internet-alaiaqtar shynaiy investitsiialyq platformalarǵa uqsas saittar jasap, jalǵan litsenziialar men qoldan jasalǵan tabys kórsetkishterin paidalanatynyn eskertti. Sondai-aq olar jábirlenýshilermen turaqty bailanys ornatyp, jalǵan paida kórsetip, kóbirek qarjy salýǵa itermeleidi.
Osyǵan bailanysty tártip saqshylary azamattardy internet arqyly ońai ári tez tabys tabýǵa ýáde beretin usynystarǵa senbeýge, investitsiia jasamas buryn kompaniianyń zańdylyǵy men litsenziiasyn muqiiat tekserýge shaqyrdy.
