Aqmola oblysynda Petropavl – Almaty baǵytyndaǵy jolaýshylar poiyzy temirjolǵa shyǵyp ketken 13 bas maldy qaǵyp ketti. Mashinist shuǵyl tejeý qoldanǵanymen, soqtyǵysýdyń aldyn alý múmkin bolmaǵan, dep habarlaidy ult.kz.
Oqiǵa Aqmola oblysyndaǵy Makinka – Eltai aralyǵyndaǵy temirjol ýchaskesinde bolǵan. Bul týraly IIM Kóliktegi politsiia departamenti habarlady.
Petropavl – Almaty baǵytyndaǵy jolaýshylar poiyzynyń mashinisi temirjol boiynda usaq maldy baiqap, shuǵyl tejeý qoldanǵan. Alaida qabyldanǵan sharalarǵa qaramastan, poiyz 13 bas maldy qaǵyp ketken.
Oqiǵa saldarynan poiyz 9 minýtqa toqtatyldy.
Keiin kólik politsiiasy maldyń iesin anyqtady. Ol – Aqmola oblysynyń 63 jastaǵy turǵyny.
Er adam temirjoldardyń bólingen jolaǵynda mal jaiý erejesin buzǵany úshin ákimshilik jaýapkershilikke tartyldy.
Kóliktegi politsiia departamentiniń málimetinshe, jyl basynan beri poiyzdardyń 1005 ret shuǵyl tejelý faktisi tirkelgen. Onyń 746 jaǵdaiy aýyl sharýashylyǵy janýarlarynyń temirjol joldaryna shyǵyp ketýine bailanysty bolǵan.
Kólik politsiiasy temirjol mańynda maldy qaraýsyz jaiý poiyzdardyń qozǵalysy men jolaýshylardyń qaýipsizdigine eleýli qaýip tóndiretinin eskertti.
Vedomstvo azamattardy maldy temirjolǵa jaqyn aýmaqta qaraýsyz qaldyrmaýǵa shaqyrdy.
