Aqmola oblysynda jasymyqty óńdeýge arnalǵan zamanaýi tseh salý jónindegi investitsiialyq joba júzege asyrylýda, dep habarlaidy ult.kz.
Joba agroónerkásiptik keshenniń óńdeý salasyn damytýǵa, qosylǵan quny joǵary ónim óndirý kólemin arttyrýǵa jáne óńirdiń eksporttyq áleýetin nyǵaitýǵa baǵyttalǵan.
Jobanyń jalpy investitsiia kólemi 1,3 mlrd teńgeni quraidy. Qarjylandyrý kásiporynnyń menshikti qarajaty esebinen júzege asyrylýda.
Jańa óndiristik nysannyń qýattylyǵy saǵatyna 5 tonna ónim óńdeýge múmkindik beredi. Jobany iske asyrý aýyl sharýashylyǵy shikizatyn óńdeý múmkindikterin edáýir keńeitip, óndirilgen ónimdi tiimdi paidalanýǵa jol ashady jáne óńirdegi agrobiznestiń damýyna qosymsha serpin beredi.
Óndiristik jelini iske qosý 2026 jyldyń qyrkúiek aiyna josparlanǵan.
Kásiporyndy odan ári damytý aiasynda syiymdylyǵy 14 myń tonna bolatyn zamanaýi kókónis saqtaý qoimasyn salý da kózdelgen. Nysandy paidalanýǵa berý aldaǵy jylǵa josparlanyp otyr.
