Aqmola oblysynda elektrondyq tutyný júielerin (veipterdi), olarǵa arnalǵan suiyqtyqtar men hosh iistendirgishterdi zańsyz satýmen ainalysqan qylmystyq toptyń qyzmeti toqtatyldy. Bul týraly Qarjylyq monitoring agenttigi habarlady, dep habarlaidy ult.kz.
Tergeý málimetinshe, ónimder áleýmettik jelilerdegi internet-dúkender arqyly satylyp, tapsyrystar kýrerlik qyzmet arqyly jetkizilip otyrǵan.
Kúdiktiler zańsyz áreketterin jasyrý úshin túrli astyrtyn tásilderdi qoldanyp, aqsha qabyldaý men qolma-qol aqshaǵa ainaldyrý maqsatynda dropperlerdiń qyzmetine júgingen.
Aldyn ala málimet boiynsha, qylmystyq jolmen alynǵan tabys kólemi 221 million teńgeden asty.
Sot sanktsiiasymen kúdiktilerge tiesili páter men avtokólikke tyiym salyndy. Topty uiymdastyrdy degen kúdikke ilingen adam qamaýǵa alyndy.
Qazir sotqa deiingi tergeý jalǵasyp jatyr.
