Aqmola oblysynda kókpar kezinde 14 jastaǵy jasóspirim qaza tapty, dep habarlaidy ult.kz.
Qaiǵyly jaǵdai 26 mamyr kúni bolǵan. Oqiǵaǵa bailanysty politsiia qylmystyq is qozǵap, sotqa deiingi tergeý amaldaryn bastap ketti.
Tselinograd aýdandyq ákimdiginiń málimetinshe, oqiǵa Raqymjan Qoshqarbaev aýyldyq okrýgi mańynda ótken. Ákimdik ókilderi kókpar oiyny resmi túrde uiymdastyrylmaǵanyn atap ótti.
«Atalǵan shara azamattardyń jeke bastamasymen ótkizilgen. Bul resmi sporttyq ne buqaralyq is-shara bolǵan joq. Aýdan ákimdigine oiyn ótkizý týraly eshqandai habarlama túspegen, sondai-aq ruqsat alý jóninde ótinish berilmegen», – dep málimdedi ákimdik.
Aldyn ala derek boiynsha, kókparǵa eresek adamdar qatysqan. 14 jastaǵy jasóspirim oqiǵa ornyna týystarymen birge kelgen. Keiin ol oiynshylardyń biriniń ornyna shyǵyp, kókparǵa qatysqan.
