Atmosferalyq fronttardyń ótýine bailanysty 19 maýsym kúni Qazaqstannyń basym bóliginde qubylmaly kún raiy saqtalady, kei jerlerde jańbyr jaýyp, naizaǵai oinaidy, jel kúsheiedi, kúndiz respýblikanyń ońtústiginde jelmen birge shańdy daýyl kóteriledi.
Soltústik-batysta túnde jáne tańerten tuman túsip, respýblikanyń ońtústik-shyǵysynda, shyǵysy men ortalyǵynda kúndiz qatty ystyq bolady. Ońtústik, ońtústik-batysta kún jaýyn-shashynsyz ótetini boljanýda, dep habarlaidy QazAqparat «Qazgidromet» RMK-ǵa silteme jasap.
Atap aitqanda, Soltústik Qazaqstan oblysynda 15-20 m/s-pen soqqan jeldiń ekpini kei jerlerde 23-28 m/s-qa jetedi, kúndiz burshaq jaýýy múmkin.
Qostanai oblysynyń kei jerlerinde 15-20 m/s jyldamdyqtaǵy jeldiń kúshi 23 m/s-qa artýy múmkin, túnde jáne tańerten tuman bolady.
Aqmola, Qaraǵandy, Jambyl, Almaty oblystarynyń kei jerlerinde jel 15-20 m/s bolady. Pavlodar, Aqtóbe oblystarynyń kei aýmaqtarynda naizaǵai oinap, 18 m/s jyldamdyqta jel turady.
Kúndiz Qyzylorda, Shyǵys Qazaqstan oblystarynyń jekelegen bólikterinde jeldiń ekpini 15-20 m/s kúsheiedi. Kúndiz Aqtóbe, Qyzylorda, Ońtústik Qazaqstan, Jambyl, Qaraǵandy, Shyǵys Qazaqstan oblystarynyń jekelegen aýmaqtarynda joǵary órt qaýpi saqtalady.
Kúndiz Almaty, Jambyl oblystarynda, Qaraǵandy, Shyǵys Qazaqstan oblystarynyń kei jerlerinde qatty ystyq bolady.
