Nur-Cultan qalasynyń apelliatsiialyq soty Bas prokýratýranyń burynǵy densaýlyq saqtaý ministri Eljan Birtanovtyń isin prokýratýraǵa keri qaitarý týraly shaǵymy boiynsha sheshim shyǵardy, dep habarlaidy QazAqparat.
Eljan Birtanovtyń isin prokýratýraǵa keri qaitarý týraly sot sheshimi ózgerissiz qalatyn boldy.
«Sot alqasy qaýly etedi. Nur-Sultan qalasy Saryarqa aýdanynyń №2 aýdandyq sotynyń 28 qańtardaǵy Eljan Birtanov pen Oljas Ábishevke qatysty isti boiynsha prokýratýraǵa keri qaitarý týraly qaýlysy Qylmystyq-protsessýaldyq kodekstiń 329-babyndaǵy tártipke sáikes ózgerissiz qalsyn», - dedi sýdia.
Eske salsaq, sot otyrysy keshe, 17 qańtarda bastalǵan bolatyn.
Prokýror Jangeldi Esebaevtyń sózinshe, isti keri qaitarý týraly sheshim Qazaqstan Joǵarǵy sotynyń normativtik qaýlylaryna qaishy bolǵan.
Al qorǵaýshy tarap búkil tergeýdiń barysynda aitarlyqtai zańbuzýshylyqtar bolǵanyn málim etti.
Onyń ishinde saraptaý óndirisinde, qarjy jymqyrý babyn qyzmetin asyra paidalaný babyna aýystyrý kezinde, sotqa deiingi tergeýdiń tizbesine tirkeý kezinde, qylmystyq is materialdarymen tanystyrý kezeńinde, Eljan Birtanovtyń burynǵy kómekshisi Oljas Ábishevke qatysty da aiyptaý aktisin tanystyrǵan kezde jáne isti sotqa ótkizý kezinde zań buzylǵan.
