OAEK Ekibastuzdaǵy tótenshe jaǵdai saldarynan keltirilgen shyǵyndy óteitin bolady. Bul týraly brifingte Pavlodar oblysy ákiminiń mindetin atqarýshy Oleg Krýk málimdedi, - dep habarlaidy Tengrinews.kz.
"OAEK" AQ búlingen úilerge keltirilgen shyǵyndy óteidi. Zardap shekkenderdiń naqty sany anyqtalyp jatyr", - dedi Krýk.
Krýk, sonymen qatar, jóndeýge jáne kótergishter men batareialardy aýystyrýǵa bailanysty páterleri jylýsyz qalǵan birneshe problemaly kópqabatty turǵyn úidiń mekenjaiyn atady.
"Ásirese, Sátbaev 8, Máshhúr Júsip 52, Áýezov 46, 46-A, 47, Sheshenbekov 19-A mekenjaiyndaǵy úilerde problema bar. Shtab jetekshisi, Premer-ministrdiń orynbasary jóndeý qyzmetiniń jumysyn qaita úilestirgen bolatyn. Endi ár úige bir-bir kásiporyn bekitildi. Ol kásiporyndardyń birinshi basshylary bekitilgen úidegi aqaýdy joiý jumystarynyń basy-qasynda júr - qatqan jelini jibitip jatyr. Bul basshylar búkil aqaý joiylǵansha osy istiń basynda bolady", - dedi Oleg Krýk óńirlik kommýnikatsiialar qyzmetinde ótken brifingide.
Buǵan deiin QR Saýda jáne integratsiia ministri Serik Jumanǵarin de monopolist kompaniia jylý jelilerindegi apat saldarynan páterleri búlingen Ekibastuz turǵyndaryna barlyq jóndeý shyǵyndaryn óteitinin málimdegen bolatyn.
