Nur-Sultan qalalyq bilim basqarmasynyń basshysy qyzmetin atqaryp kelgen Ánýar Janǵozin qyzmetinen ketti, dep habarlaidy "Ult aqparat".
«Qurmetti Elorda turǵyndary! Búgin qalamyzda bilim basqarmasynyń jetekshisi retindegi qyzmetim óz máresine jetip otyr. 3 jylda kúrdeli de mazmundy jumystar atqaryldy. Elimizde alǵash engizilip jatqan jobalar, azamattarǵa qatysty túrli máselelerdi sheshý, óz isiniń kásibi mamandarymen jumys isteý meni baqytqa bóledi», - dep jazdy Á. Janǵozin óziniń Facebook paraqshasynda.
Sonymen birge, ol áleýmettik jelide ózi basshylyq etken ýaqytta júzege asqan jobalardyń nátijesimen bólisti.
«Árine, munyń barlyǵy áriptesterdiń, belsendi ata-analardyń, úkimettik emes uiymdar men qalalyq qoǵam músheleriniń qoldaýynyń arqasynda júzege asqan jumystardyń bóligi ǵana. Men barsha aianbai eńbek etken jandarǵa alǵys aitamyn. Aldaǵy ýaqytta jańa jáne tyń jobalardy júzege asyrý barysy týraly Sizderdi mindetti túrde habardar etemin», - dedi Ánýar Janǵozin.
