«Ashyq dialog» suhbatynyń kezekti sanynda Prezident Ákimshiligi Basshysynyń birinshi orynbasary Dáýren Abaev antivakserler týraly pikir bildirdi, dep habarlaidy QazAqparat.
«Eshqandai da «mystan aýlaý» bolmaidy. Bul jerde áńgime túsindirý jumystaryn belsendi júrgizý týraly bolyp otyr. Túsinseńiz, antivakserler ózderi ekpe alǵysy kelmeitinimen qoimai, aitarlyqtai agressivti nasihat júrgizip jatyr. Feik jańalyqtardy paidalanyp, jalǵan meditsinalyq faktilerdi alǵa tartýda. Ózderiniń jaqyndary men týǵandaryn ekpe alǵyzbaýǵa kóndirip, qysym jasaǵan jaittar da az emes. Árine mundai jaǵdaida olardy qasarysýshylar demeý qiyn», - dedi Dáýren Abaev.
Onyń sózine qaraǵanda, osy taqyrypqa júrgizilgen áleýmettik zertteýler vaktsinaǵa qarsy taraptyń sany sonshalyq kóp emes ekenin kórsetken.
«Sarapshylar túrli pikir aityp otyr. Mysaly, jabyq júrgizilgen áleýmettik saýalnamalar vaktsinatsiiaǵa qarsylardyń qarasy kóp emes ekenin kórsetedi. Olardy at tóbelindei agressivti top dep ataýǵa bolady. Sondai agressivti, belsendi azǵantai tarap passivti kópshilikke qarsy kelip otyr degen sóz. Biraq osy azǵantai top bir minýt ta ózderiniń ustanymy durys ekenine kúmándanbai, ustanymdaryn dáleldep baǵýda», - dedi Prezident Ákimshiligi Basshysynyń birinshi orynbasary.
Dáýren Abaev antivakserlerdiń azaimai turýyna aqparat dáýirinde konspirologiialyq teoriialardyń kóbeiip ketkeni de áser etip otyrǵanyn aitady.
«Biz aqparat dáýirinde ómir súrip jatyrmyz. Eger HIH ǵasyrmen salystyrsaq, biz aqparat alatyn kózderdiń sany ol zamandaǵydan myńdaǵan, tipti on myńdaǵan ese kóbeigen shyǵar. Kún saiyn alatyn aqparattyń kóptigi sonsha, ony óńdep, tarazylap úlgermei jatamyz. Álemniń keskini kúrdeli, ala-qula bolyp barady. Al adam balasy bárine jaýap tapqysy keledi. Sondyqtan, sarapshylyq kózqarastarǵa súiensek, alýan túrli ózgeristerdi árbir adamǵa túsindirý kún ótken saiyn qiyndap keledi. Bul ýaqyt pen orasan kúshti qajet etedi. Mundai adamdarda bárine jaýap tabýdyń árqashan jeńil joly bar. Ol – konspirologiia. Bul ózi álemdegi kez kelgen oqiǵany túsinidirip beretin siqyrly dúnie ǵoi. «Bárimizge chip taqqysy kelip júrgen» Bill Geits siiaqty «zulym aǵaiǵa» bárin jaba salýǵa bolatyn bolsa, kúrdeli áleýmettik protsesterdiń ishine úńilip, saiasi júieni, ekonomikaǵa ǵana tán qubylystardy zerdeleýdiń qajeti qansha», - dedi ol.
