«اشىق ديالوگ» سۇحباتىنىڭ كەزەكتٸ سانىندا پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ انتيۆاكسەرلەر تۋرالى پٸكٸر بٸلدٸردٸ, دەپ حابارلايدى قازاقپارات.
«ەشقانداي دا «مىستان اۋلاۋ» بولمايدى. بۇل جەردە ەڭگٸمە تٷسٸندٸرۋ جۇمىستارىن بەلسەندٸ جٷرگٸزۋ تۋرالى بولىپ وتىر. تٷسٸنسەڭٸز, انتيۆاكسەرلەر ٶزدەرٸ ەكپە العىسى كەلمەيتٸنٸمەن قويماي, ايتارلىقتاي اگرەسسيۆتٸ ناسيحات جٷرگٸزٸپ جاتىر. فەيك جاڭالىقتاردى پايدالانىپ, جالعان مەديتسينالىق فاكتٸلەردٸ العا تارتۋدا. ٶزدەرٸنٸڭ جاقىندارى مەن تۋعاندارىن ەكپە العىزباۋعا كٶندٸرٸپ, قىسىم جاساعان جايتتار دا از ەمەس. ەرينە مۇنداي جاعدايدا ولاردى قاسارىسۋشىلار دەمەۋ قيىن», - دەدٸ دەۋرەن اباەۆ.
ونىڭ سٶزٸنە قاراعاندا, وسى تاقىرىپقا جٷرگٸزٸلگەن ەلەۋمەتتٸك زەرتتەۋلەر ۆاكتسيناعا قارسى تاراپتىڭ سانى سونشالىق كٶپ ەمەس ەكەنٸن كٶرسەتكەن.
«ساراپشىلار تٷرلٸ پٸكٸر ايتىپ وتىر. مىسالى, جابىق جٷرگٸزٸلگەن ەلەۋمەتتٸك ساۋالنامالار ۆاكتسيناتسيياعا قارسىلاردىڭ قاراسى كٶپ ەمەس ەكەنٸن كٶرسەتەدٸ. ولاردى ات تٶبەلٸندەي اگرەسسيۆتٸ توپ دەپ اتاۋعا بولادى. سونداي اگرەسسيۆتٸ, بەلسەندٸ ازعانتاي تاراپ پاسسيۆتٸ كٶپشٸلٸككە قارسى كەلٸپ وتىر دەگەن سٶز. بٸراق وسى ازعانتاي توپ بٸر مينۋت تا ٶزدەرٸنٸڭ ۇستانىمى دۇرىس ەكەنٸنە كٷمەندانباي, ۇستانىمدارىن دەلەلدەپ باعۋدا», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
دەۋرەن اباەۆ انتيۆاكسەرلەردٸڭ ازايماي تۇرۋىنا اقپارات دەۋٸرٸندە كونسپيرولوگييالىق تەورييالاردىڭ كٶبەيٸپ كەتكەنٸ دە ەسەر ەتٸپ وتىرعانىن ايتادى.
«بٸز اقپارات دەۋٸرٸندە ٶمٸر سٷرٸپ جاتىرمىز. ەگەر حٸح عاسىرمەن سالىستىرساق, بٸز اقپارات الاتىن كٶزدەردٸڭ سانى ول زامانداعىدان مىڭداعان, تٸپتٸ ون مىڭداعان ەسە كٶبەيگەن شىعار. كٷن سايىن الاتىن اقپاراتتىڭ كٶپتٸگٸ سونشا, ونى ٶڭدەپ, تارازىلاپ ٷلگەرمەي جاتامىز. ەلەمنٸڭ كەسكٸنٸ كٷردەلٸ, الا-قۇلا بولىپ بارادى. ال ادام بالاسى بەرٸنە جاۋاپ تاپقىسى كەلەدٸ. سوندىقتان, ساراپشىلىق كٶزقاراستارعا سٷيەنسەك, الۋان تٷرلٸ ٶزگەرٸستەردٸ ەربٸر ادامعا تٷسٸندٸرۋ كٷن ٶتكەن سايىن قيىنداپ كەلەدٸ. بۇل ۋاقىت پەن وراسان كٷشتٸ قاجەت ەتەدٸ. مۇنداي ادامداردا بەرٸنە جاۋاپ تابۋدىڭ ەرقاشان جەڭٸل جولى بار. ول – كونسپيرولوگييا. بۇل ٶزٸ ەلەمدەگٸ كەز كەلگەن وقيعانى تٷسٸنٸدٸرٸپ بەرەتٸن سيقىرلى دٷنيە عوي. «بەرٸمٸزگە چيپ تاققىسى كەلٸپ جٷرگەن» بيلل گەيتس سيياقتى «زۇلىم اعايعا» بەرٸن جابا سالۋعا بولاتىن بولسا, كٷردەلٸ ەلەۋمەتتٸك پروتسەستەردٸڭ ٸشٸنە ٷڭٸلٸپ, ساياسي جٷيەنٸ, ەكونوميكاعا عانا تەن قۇبىلىستاردى زەردەلەۋدٸڭ قاجەتٸ قانشا», - دەدٸ ول.
