Diplomatiialyq derekkózderiniń málimeti boiynsha, Portýgaliianyń burynǵy premer-ministri Antonio Gýterresh - BUU bas hatshysy qyzmetine sailaný múmkindigi eń joǵary kandidat. Qazannyń 5-i kúni BUU Qaýipsizdik keńesinde ótken qupiia daýys berýde Gýterresh biraýyzdan qoldaýǵa ie bolǵan. Qaýipsizdik keńesiniń turaqty bes múshesiniń bir de biri onyń kandidatýrasyna veto qoimaǵan.
5 qazandaǵy daýys berý - osymen altynshy ret daýys berý sanalady. Buǵan deiingi beseýinde de Gýterresh alda bolǵan. Qaýipsizdik keńesine múshe 15 memleket 6 qazanda shartty túrde daýys berip, onyń qorytyndysy boiynsha BUU Bas assambleiasyna usynys jasalady. Bas assambleia da jańa bas hatshynyń kandidatýrasyn túpkilikti bekitý úshin daýys berý ótkizedi.
BUU-nyń qazirgi bas hatshysy Pan Gi Mýnnyń bes jyldyq ókiletti merzimi biylǵy jyldyń sońynda aiaqtalady.
