ديپلوماتييالىق دەرەككٶزدەرٸنٸڭ مەلٸمەتٸ بويىنشا, پورتۋگالييانىڭ بۇرىنعى پرەمەر-مينيسترٸ انتونيو گۋتەررەش - بۇۇ باس حاتشىسى قىزمەتٸنە سايلانۋ مٷمكٸندٸگٸ ەڭ جوعارى كانديدات. قازاننىڭ 5-ٸ كٷنٸ بۇۇ قاۋٸپسٸزدٸك كەڭەسٸندە ٶتكەن قۇپييا داۋىس بەرۋدە گۋتەررەش بٸراۋىزدان قولداۋعا يە بولعان. قاۋٸپسٸزدٸك كەڭەسٸنٸڭ تۇراقتى بەس مٷشەسٸنٸڭ بٸر دە بٸرٸ ونىڭ كانديداتۋراسىنا ۆەتو قويماعان.
5 قازانداعى داۋىس بەرۋ - وسىمەن التىنشى رەت داۋىس بەرۋ سانالادى. بۇعان دەيٸنگٸ بەسەۋٸندە دە گۋتەررەش الدا بولعان. قاۋٸپسٸزدٸك كەڭەسٸنە مٷشە 15 مەملەكەت 6 قازاندا شارتتى تٷردە داۋىس بەرٸپ, ونىڭ قورىتىندىسى بويىنشا بۇۇ باس اسسامبلەياسىنا ۇسىنىس جاسالادى. باس اسسامبلەيا دا جاڭا باس حاتشىنىڭ كانديداتۋراسىن تٷپكٸلٸكتٸ بەكٸتۋ ٷشٸن داۋىس بەرۋ ٶتكٸزەدٸ.
بۇۇ-نىڭ قازٸرگٸ باس حاتشىسى پان گي مۋننىڭ بەس جىلدىق ٶكٸلەتتٸ مەرزٸمٸ بيىلعى جىلدىڭ سوڭىندا اياقتالادى.
