2022 jyldyń naýryzynda "JETISÝ" ÁKK qyzmetindegi sybailas jemqorlyq táýekelderine syrtqy taldaý júrgizildi. ÁKK qyzmetin taldaý kezinde kóptegen kemshilikter men táýekelderdiń, onyń ishinde sybailas jemqorlyqtyń bar ekendigi anyqtaldy.
Osylaisha, taldaýmen "JETISÝ" ÁKK qyzmetinde QR jer zańnamasyn buzý faktileri anyqtaldy:
- jergilikti atqarýshy organdar ÁKK-ge kóp qabatty turǵyn úilerdiń qurylysyna jer ýchaskelerin berdi (ÁKK jarǵysynda mundai quzyret joq, sondyqtan Taldyqorǵan qalasy ákimdiginiń qaýlylary joiylýǵa jatady).
- ÁKK janyndaǵy jer ýchaskeleri nysanaly maqsaty boiynsha 3 jyldan astam paidalanylmaidy (QR jer zańnamasyna sáikes alyp qoiýǵa jatady).
Taldaýdyń kórsetilgen qorytyndylary jerdi paidalaný jáne qorǵaý úshin ýákiletti organnyń aktilerimen rastalady.
Osyǵan bailanysty Departament oblys ákimine jergilikti atqarýshy organdardyń sheshimderiniń kúshin joiý jáne ÁKK jer ýchaskelerin memlekettik menshikke qaitarý týraly máseleni qaraý týraly hat joldady.
Búgingi tańda Panfilov aýdanyndaǵy 3 jer ýchaskesi aýdan ákimdiginiń 07.10.2022 jylǵy №378 qaýlysymen memlekettik menshikke qaitaryldy (3 ýchaskeniń jalpy kadastrlyq quny 503,2 mln. teńgeni quraidy). Taldyqorǵan qalasyndaǵy jerler boiynsha ákimdik jer ýchaskelerin qaitarý boiynsha uiymdastyrýshylyq-ókimdik sharalardy júzege asyrady.
