Qazirgi jaǵdaida ár kásiporyn, ár jumys orny úshin kúresý kerek. Bul týraly «Órken» Qazaqstandyq respýblikalyq salaaralyq yntymaqtastyq qaýymdastyǵy» zańdy tulǵalar birlestiginiń prezidenti Bolat Omarov «AntikorLive» jobasy uiymdastyrǵan tikelei efirde aitty, dep habarlaidy QazAqparat.
«Búgingi tańda elimizdiń ekonomikasy, álem ekonomikasy úshin qiyn kezeń. Ekonomikanyń barlyq salasynda úlken quldyraý boldy: bul iri kólemdi óndiriske de, jumys oryndarynyń jabylýyna da qatysty. Mundai jaǵdai bizdiń elde ǵana emes, búkil álemde bolyp jatyr. Jumys oryndaryn saqtap qalý maqsatynda QR Úkimeti jaǵdaidy retteý úshin birqatar sharalar keshenin qolǵa aldy. Jańa jumys ornyn ashqannan góri, jumys ornyn saqtap qalý áldeqaida tiimdi», - deidi Bolat Omarov.
Ol ár kásiporyn, ár jumys orny úshin kúresý kerek ekenin aitty. Sondai-aq, qurylys salasyndaǵy jemqorlyq táýekelderi týraly da sóz qozǵady.
«Bul salada qyzmet etip kele jatqanyma uzaq ýaqyt boldy. Qarapaiym jumysshy bolýdan bastap, barlyq satydan óttim. Tek zań aiasynda jumys isteýge tyrystym jáne basqalarǵa da osylai jumys isteýdi usynamyn. Jemqorlyqtyń aldyn alý – qoǵamnyń, sonyń ishinde qurylysshylardyń da máselesi. Qurylys salasy – kópqyrly protsess, qujat jumystary da kóp. Jemqorlyqtyń oryn alýy múmkin sebepter bar ekeni de sózsiz. Jer kodeksteriniń jumysyna qatysty da pysyqtaýdy qajet etetin máseleler bar», - deidi ol.
