QR Sybailas jemqorlyqqa qarsy is-qimyl agenttigi jumysynyń 2020 jylǵy ekonomikalyq jiyntyq tiimdiligi 95,6 mlrd teńgeni qurady. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Qylmystyq ister boiynsha ótelgen zalal somasy 50,7 mlrd teńgeni qurady. Bul 2019 jyldyń kórsetkishinen eki ese joǵary. Para alý jáne urlaý faktileri boiynsha birneshe aiyppul kólemi 2,8 mlrd teńgeni, tyiym salynǵan múlik 1,2 mlrd teńgeni qurady», - dedi Alik Shpekbaev agenttiktiń alqa otyrysynda.
Onyń aitýynsha, memlekettik satyp alýlardy monitoringileý, sybailas jemqorlyq táýekelderin syrtqy taldaý jáne jobalyq qyzmet boiynsha júieli jumys biýdjet qarajatyn taǵy 40,9 mlrd teńgege utymsyz paidalanýdyń aldyn alýǵa múmkindik berdi.
«Osylaisha, agenttik jumysynyń 2020 jylǵy ekonomikalyq jiyntyq tiimdiligi 95,6 mlrd teńgeni qurady. Biz qol jetkizgen jetistiktermen toqtap qalmaýymyz kerek, bizdiń ár qyzmetker barynsha tiimdi jumys isteýi tiis», - dedi agenttik basshysy.
