Aqtaýda "Sybailas jemqorlyqqa qarsy qyzmet agenttigi tóraǵasynyń kómekshisimin" dep jurtty aldaǵan er adam sottaldy, - dep habarlaidy "Ult aqparat" Antikor baspasóz qyzmetine silteme jasap.
9 qarashada Aqtaý qalalyq soty alaiaqtyqqa jáne para berýge itermelegeni úshin Kárimov pen Batyrhanovty memlekettik qyzmet atqarýǵa ómir boiyna tyiym sala otyryp, 7 jyl 6 aiǵa jáne 7 jylǵa bas bostandyǵynan aiyrǵan.
"Agenttik Tóraǵasynyń kómekshisi atyn jamylǵan Kárimov Aqtaý qalasy ákimdiginiń laýazymdy tulǵalarynan kommertsiialyq obektilerdi ornalastyrý úshin óz atyna Kaspii teńiziniń jaǵalaýyndaǵy jer ýchaskesin resimdeýdi talap etkeni úshin kináli dep tanyldy", - delingen vedomstvo habarlamasynda.
Al 2020 jylǵy aqpanda Kárimov Batyrhanovpen aldyn ala sóz bailasý arqyly toptyq áreket etip, ózin Bilim jáne ǵylym vitse-ministri jáne Almaty qalasy ákiminiń kómekshisi retinde tanystyryp, balabaqsha meńgerýshisinen ákimshilik jaýapkershilikke tartpaǵany úshin 1 million teńge talap etken.
Úkim zańdy kúshine engen joq.
