Foto:gov.kz
Sybailas jemqorlyqqa qarsy qyzmet Soltústik Qazaqstan oblysynda buryn ustalǵan Bilim basqarmasy basshysynyń qaramaǵyndaǵy qyzmetkerge qatysty qaiǵyly oqiǵaǵa pikir bildirdi, - dep habarlaidy Tengrinews.kz saity.
"Soltústik Qazaqstan oblysynda Bilim basqarmasynyń basshysyna qatysty tergeý júrgizilip jatqany týraly aqparatty habarlaǵan edik. Onyń qaramaǵyndaǵy qyzmetkerdiń Sybailas jemqorlyqqa qarsy qyzmet departamentinde jaýap alýǵa qatysyp, keiin óz-ózine qol jumsaǵany týraly aqparat jaqynda ǵana paida boldy. Bul fakti bizge de beimálim", - dedi Antikordyń resmi ókili Arman Tileýkenov.
Ol Soltústik Qazaqstan oblysy Bilim basqarmasy basshysynyń qaramaǵyndaǵy qyzmetkerdiń jaýap alýǵa shyn máninde kýá retinde qatysqanyn túsindirdi.
"Ol tergeýge jan-jaqty kómek kórsetti. Oǵan qatysty protsessýaldyq májbúrleý sharalary qoldanylmady, oblys aýmaǵynda emin-erkin júrip-turdy. Qazirgi ýaqytta politsiia ózin-ózi óltirýge deiin jetkizý deregi boiynsha sotaldy tergeý amaldaryn júrgizip jatyr. Meniń oiymsha, Qylmystyq kodekstiń 105-baby "Ózin-ózi óltirýge deiin jetkizý" boiynsha bul suraqty basqa organǵa joldaý kerek dep oilaimyn", - dep qorytyndylady resmi ókil Antikor Tileýkenov.
