Foto: Bekmyrza Igenberdinov/ facebook.com
Sybailas jemqorlyqqa qarsy is-qimyl agenttigi ókilderi "AlmatyElektroTrans" JShS bas direktory Bekmyrza Igenberdinovke qatysty tergeýdiń egjei-tegjeiin aitty, - dep habarlaidy Tengrinews.kz agenttigi.
Agenttik málimetinshe, vedomstvonyń Almaty boiynsha departamenti Igenberdinovtiń kásipkerlik sýbektisi ókilinen 150 myń dollar kóleminde para alǵanyn, atqarylǵan jumystar aktisine qol qoiyp, buryn jasalǵan kelisimder boiynsha aqsha aýdarǵanyn áshkerelegen.
30 qyrkúiekte oǵan qatysty sot "qamaýda ustaý" túrindegi bultartpaý sharasyn sanktsiialaǵan.
Almaty qalalyq sotynyń baspasóz qyzmeti 30 qyrkúiekte Almatynyń mamandandyrylǵan aýdanaralyq tergeý soty kúdikti Igenberdinovke qatysty eki aiǵa deiingi merzimge qamaýda ustaý týraly ótinishti qanaǵattandyrǵanyn rastady.
Eske salaiyq, buǵan deiin "Almatyelektrotrans" JShS bas direktory jumystan bosatylǵany týraly habarlanǵan bolatyn.
