Sybailas jemqorlyqqa qarsy is-qimyl agenttigi qyzmetkerine qaýip tóndirgen politsiia maiory qamaýǵa alyndy, - dep habarlaidy "Ult aqparat" vedomstvonyń baspasóz qyzmetine silteme jasap.
Áleýmettik jelilerde azamattyq kiimdegi adam Antikor qyzmetkerine qatysty atys qarýyn qoldanýmen qorqytatyn video taraǵan.
"Almaty oblysy boiynsha cybailas jemqorlyqqa qarsy qyzmet Qarasai aýdany Politsiia basqarmasynyń laýazymdy tulǵalaryna qatysty qylmystyq jaýaptylyqtan alshaqtatqany úshin 500 myń teńge somasynda aqshalai qarajat alý (para) deregi boiynsha sotaldy tergeý júrgizilip jatyr.
Sybailas jemqorlyqqa qarsy qyzmet qyzmetkerleri tintý júrgizgen kezde politsiia maiory zańdy talaptarǵa baǵynbai, atys qarýyn qoldanamyn dep qorqytqan", - delingen habarlamada.
Biyl 22 qyrkúiekte osy derek boiynsha Qylmystyq kodekstiń 380-baby ("Bilik ókiline qatysty qaýip") boiynsha qylmystyq is tirkeldi. 29 qyrkúiekte kúdikti sottyń sanktsiiasymen qamaýǵa alyndy.
Tergeý jalǵasyp jatyr. Ózge aqparat tergeý múddesine orai jariia etýge jatpaidy.
