Alaiaqtyq jáne aidap salý arqyly 35 myń AQSh dollary men 1 mln teńgeni qaltasyna basqan azamat ustaldy, dep habarlaidy QazAqparat.
16 naýryzda Sybailas jemqorlyqqa qarsy is-qimyl agenttiginiń jeke qaýipsizdik departamenti alaiaqtyq jolmen jáne aidap salý arqyly B. degen azamattyń 35 000 AQSh dollary jáne 1 million teńge somasyndaǵy aqshasyn alǵan T-ny áshkereledi.
T. bul somany kúdiktini qylmystyq jaýapkershilikten bosatý úshin sybailas jemqorlyqqa qarsy qyzmet qyzmetkerine berem dep aldaǵan.
18 naýryzda T. ustalyp, qamaldy. Sotqa deiingi tergeý amaldary júrip jatyr.
«Ózge aqparat tergeý múddesine bailanysty jariialanbaidy. Sybailas jemqorlyqqa qarsy qyzmet jemqorlyqqa qarsy ymyrasyz kúres júrgizedi, onyń ishinde óz qataryndaǵy jemqorlyqty da áshkereleidi» delingen habarlamada.
