2021 jyly Qazaqstan Transparency International reitinginde sybailas jemqorlyqty qabyldaý indeksi (CPI) boiynsha 180-nen 102-shi orynǵa kóterildi, dep habarlaidy QazAqparat ranking.kz saityna silteme jasap.
Transparency International - sybailas jemqorlyqty zertteý jáne oǵan qarsy kúres jónindegi úkimettik emes halyqaralyq uiym. 0-den 100 balǵa deiingi shkala boiynsha 0 - sybailas jemqorlyqtyń joǵary deńgeii, al 100 - jemqorlyqtyń joqtyǵyn kórsetedi. Qazaqstan 37 ball jinady, bul 2020 jylmen salystyrǵanda 1 balǵa tómen.
Birden úsh el jetekshi orynǵa ie boldy: Daniia, Finliandiia jáne Jańa Zelandiia, olar 88 upai jinady. TOP-10 eldiń qataryna Norvegiia, Singapýr jáne Shvetsiia (85 balldan), odan keiin Shveitsariia (84 ball), Niderlandy (82 ball), Liýksembýrg (81 ball) jáne Germaniia (80 ball) kirdi.
TMD elderi arasynda Qazaqstanǵa qaraǵanda Armeniia (58-oryn jáne 49 ball) jáne Belarýs (82-oryn jáne 41 ball) pozitsiialary jaqsy. Qalǵan elderde sybailas jemqorlyq deńgeii QR-ǵa qaraǵanda joǵary. Atap aitqanda, Ýkraina 122-oryndy (32 ball), al Resei 136-oryndy (29 ball) ielendi. Kórshiles Ózbekstan (28 ball) jáne Qyrǵyzstan (27 ball) sáikesinshe 140 jáne 144 orynǵa shyqty.
2021 jyly sybailas jemqorlyqty qabyldaý indeksi reitinginde 11 balmen eń sońǵy 180-oryndy Ońtústik Sýdan ielendi.
Transparency International málimetteri boiynsha, QR-da memlekettik qyzmetterdi paidalanýshylardyń 17%-y sońǵy 12 aida para bergen. Salystyrý úshin: Belarýste bul kórsetkish tek 15%-dy qurady, al Ýkraina men Reseide — sáikesinshe 23% jáne 27%.
Aita ketý kerek, Qazaqstandaǵy sybailas jemqorlyq qylmystarynyń sany bir jyldyń ishinde tórtten bir esege artty.
2021 jyldyń sońynda qazaqstandyqtardyń Sybailas jemqorlyqqa qarsy qyzmetke degen senim deńgeii shamaly bolsa da ósti: bul qyzmetke senýge bolady degen pikirmen tolyq kelisetinderdiń úlesi bir jyl ishinde 24,5%-dan 25,1%-ǵa deiin ósti, Al bul pikirmen kelispeitinderdiń úlesi burynǵysha qaldy - 1,8%.
Transparency International atap ótýinshe, Sybailas jemqorlyqqa qarsy is-qimyl agenttigi óz nazaryn aýyl sharýalyshyǵy jáne densaýlyq saqtaý salasyna aýdarǵan. Iri salalar, sonyń ishinde munai-gaz, qarjy jáne qurylys salalaryna kóńil bólmei keledi.
