Áleýmettik jelide sottalýshy Baqytgúl Hamenovanyń sybailas jemqorlyqqa qarsy qyzmet tarapynan ony negizsiz qýdalaý týraly málimdemesi bar aqparat tarap jatyr, - dep habarlaidy Antikor baspasóz qyzmeti.
"Byltyr jeltoqsanda Hamenova Mádeniet basqarmasynyń basshysy A.Rysqalievpen Memlekettik satyp alý týraly shart jasasqany jáne mindettemelerdi oryndaý barysynda jalpy qamqorlyǵy úshin "Balqytý" JShS direktory Ý.Adamovtan aldyn ala sóz bailasý arqyly adamdar tobynda 4,5 million teńge somasynda para alǵany úshin áshkerelengenin málimdeimiz", - delingen habarlamada.
Onyń áreketteri jinalǵan dáleldemelerdi, onyń ishinde jasyryn tergeý áreketteriniń nátijelerin, sondai-aq, kúdiktiler men kýálardyń tikelei aiǵaqtaryn eskere otyryp saralanady.
Taǵylǵan aiyptyń negizdiligi men zańdylyǵy prokýrormen rastaldy. Hamenovanyń jáne basqa adamdardyń kinási týraly qorytyndy sheshimdi sot qabyldaidy.
Eske salaiyq, Hamenova ózine taǵylǵan aiyppen kelispeidi. Ol Rysqalievtiń óz jazasyn jeńildetý úshin ony bul iske tartyp otyrǵanyn aitty.
Aiyptalýshy Rysqaliev jazbasyndaǵy 4, 500 000 myń teńge degen sózin túsinbegenin aitady.
"Men túsinbedim" dep jazdym. Ol "Altyn Ordanyń aqshasy" dep jaýap berdi. Men bul jerde ony demeýshiliktiń aqshasy dep túsindim. Ol bul adamnyń zańsyz syiaqysy nemese aqshasy dep aitqan joq. Eger ol sol sátte para dep aitqanynda, men oǵan bul zańsyz áreketti jasaýǵa jol bermeitin edim. Bul demeýshilik aqsha dep oilap, men Jánibek Amaniiazovqa 2 500 000 teńge berýdi ótindim, ol "Altyn Orda" is-sharasyn uiymdastyrǵany úshin Saraishyq aýylynyń ákimine tapsyrýy tiis edi, al qalǵan 2 000 000 teńgeni Rysqalievke asyqpai qaldyrýdy aittym. Bul jerde men bul aqshany is-sharany ótkizý kezinde biz qaryz bolǵan "Asyl ólke" qoǵamdyq birlestigine berý keregin ashyp aitpadym. Jibergen qatem osy edi", - deidi ol.
