Foto: Pexels.com
23 qazan kúni Agenttik Tóraǵasy A.J. Jumaǵalidiń basshylyǵymen avtojol salasyndaǵy sybailas jemqorlyq táýekelderin joiý boiynsha vedomstvoaralyq keńes ótti. Jiynǵa Kólik ministri M.K. Qarabaev, Joǵary aýditorlyq palatanyń ókilderi, sondai-aq birqatar ministrlikter men jergilikti atqarýshy organdar qatysty, dep habarlaidy Ult.kz.
Keńeste sońǵy 5 jylda jol salasyna 6 trln teńgeden astam qarajat bólingenine qaramastan, jol sapasyna bailanysty 20 myńnan astam shaǵym túskeni aityldy. Jurtshylyq jol sapasynyń tómendigin jemqorlyqpen bailanystyrady.
Jyl basynan beri Agenttik 24 qylmystyq isti tirkegen. Syrtqy taldaý nátijeleri boiynsha josparlaý men baqylaý kezeńderinde júieli jemqorlyq táýekelderi anyqtalǵan. Mysaly, joldar sapasyz jóndelip, merdigerlermen kelisimsharttar karteldik kelisimder arqyly bekitiledi. Sonymen qatar, jobalaý kezeńinde shyǵyndar jasandy túrde ósiriledi, al sapa baqylaýy tek formaldy sipatqa ie.
Quzyrly organdar jol salasyndaǵy kemshilikterdi joiýǵa baǵyttalǵan 90-nan astam usynys engizdi. Onyń ishinde joldardyń tsifrlyq kartasyn ázirleý, tehnikalyq qadaǵalaý men Jol aktivteriniń ulttyq sapa ortalyǵynyń ókilettikterin keńeitý, sondai-aq innovatsiialyq tehnologiialardy damytý sharalary bar.
Aldaǵy ýaqytta Atyraý oblysynda ortasha jóndeý jumystaryna bólingen qarajatty baqylaý úshin «Tsifrlyq teńge» jobasy synaqtan ótkizilmek.
