فوتو: Pexels.com
23 قازان كٷنٸ اگەنتتٸك تٶراعاسى ا.ج. جۇماعاليدٸڭ باسشىلىعىمەن اۆتوجول سالاسىنداعى سىبايلاس جەمقورلىق تەۋەكەلدەرٸن جويۋ بويىنشا ۆەدومستۆوارالىق كەڭەس ٶتتٸ. جيىنعا كٶلٸك مينيسترٸ م.ك. قاراباەۆ, جوعارى اۋديتورلىق پالاتانىڭ ٶكٸلدەرٸ, سونداي-اق بٸرقاتار مينيسترلٸكتەر مەن جەرگٸلٸكتٸ اتقارۋشى ورگاندار قاتىستى, دەپ حابارلايدى Ult.kz.
كەڭەستە سوڭعى 5 جىلدا جول سالاسىنا 6 ترلن تەڭگەدەن استام قاراجات بٶلٸنگەنٸنە قاراماستان, جول ساپاسىنا بايلانىستى 20 مىڭنان استام شاعىم تٷسكەنٸ ايتىلدى. جۇرتشىلىق جول ساپاسىنىڭ تٶمەندٸگٸن جەمقورلىقپەن بايلانىستىرادى.
جىل باسىنان بەرٸ اگەنتتٸك 24 قىلمىستىق ٸستٸ تٸركەگەن. سىرتقى تالداۋ نەتيجەلەرٸ بويىنشا جوسپارلاۋ مەن باقىلاۋ كەزەڭدەرٸندە جٷيەلٸ جەمقورلىق تەۋەكەلدەرٸ انىقتالعان. مىسالى, جولدار ساپاسىز جٶندەلٸپ, مەردٸگەرلەرمەن كەلٸسٸمشارتتار كارتەلدٸك كەلٸسٸمدەر ارقىلى بەكٸتٸلەدٸ. سونىمەن قاتار, جوبالاۋ كەزەڭٸندە شىعىندار جاساندى تٷردە ٶسٸرٸلەدٸ, ال ساپا باقىلاۋى تەك فورمالدى سيپاتقا يە.
قۇزىرلى ورگاندار جول سالاسىنداعى كەمشٸلٸكتەردٸ جويۋعا باعىتتالعان 90-نان استام ۇسىنىس ەنگٸزدٸ. ونىڭ ٸشٸندە جولداردىڭ تسيفرلىق كارتاسىن ەزٸرلەۋ, تەحنيكالىق قاداعالاۋ مەن جول اكتيۆتەرٸنٸڭ ۇلتتىق ساپا ورتالىعىنىڭ ٶكٸلەتتٸكتەرٸن كەڭەيتۋ, سونداي-اق يننوۆاتسييالىق تەحنولوگييالاردى دامىتۋ شارالارى بار.
الداعى ۋاقىتتا اتىراۋ وبلىسىندا ورتاشا جٶندەۋ جۇمىستارىنا بٶلٸنگەن قاراجاتتى باقىلاۋ ٷشٸن «تسيفرلىق تەڭگە» جوباسى سىناقتان ٶتكٸزٸلمەك.
