Foto: © Sputnik / Abzal Kaliev
Antikorrýptsiialyq qyzmet Kentaý qalasynyń eks-ákimine qatysty tergeýdi aiaqtady, - dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Vedomstvo málimetinshe, ol 2013 jyly premer-ministr keńsesiniń qyzmetkeri bola otyryp, iri jekemenshik kompaniiasynyń menshik iesin jaýapty laýazymdy tulǵalarǵa asa iri somada para berýge kóndirgen. Osy úshin qurylys boiynsha tenderde jeńisti qamtamasyz etýge ýáde beredi.
"Talap etilgen somany alyp, ózine qaldyryp, aqshasynyń bir bóligin Astana qalasynan jańa úi, qymbat turatyn avtokólik jáne birneshe júk tehnikasyn satyp alýǵa jumsady. Onyń áreketteri asa iri kólemde para berýge arandatý jáne alaiaqtyq retinde saralanǵan, tergeý sotynyń sanktsiiasymen ol qamaýda otyr", - delingen habarlamada.
Qazirgi ýaqytta qylmystyq is materialdary qabyldanǵan sheshimniń zańdylyǵyn tekserý jáne odan ári sotqa joldaý úshin Astana qalasynyń prokýratýrasyna tapsyrylǵan. Tergeý múddesi úshin ózge aqparat jariialanbaidy.
"Sonymen birge, Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi", - delingen Antikor málimetinde.
