Sýret: Almaty ákimdigi
Sybailas jemqorlyqqa qarsy is-qimyl agenttigi Qazseldenqorǵaý isi boiynsha tergeýdi aiaqtady, - dep habarlaidy "Ult aqparat" vedomstvonyń baspasóz qyzmetine silteme jasap.
"Almaty oblysy boiynsha sybailas jemqorlyqqa qarsy qyzmet ókilderi QR TJM "Qazseldenqorǵaý" MM basshylaryna qatysty sotaldy tergeýdi aiaqtady.
Olar oryndalǵan jumystar aktilerine qol qoiǵany jáne jalpy qamqorlyǵy úshin kásipkerlerden jalpy somasy 396 million teńgege iri jáne asa iri mólsherde para alǵany úshin aiyptaldy.
Tergeý sotynyń sanktsiiasymen kúdiktiler qamaýda otyr" - delingen habarlamada.
Qazir qylmystyq is QR QPK 300-baby tártibinde sotqa jiberý týraly máseleni sheshý úshin Almaty oblysynyń prokýratýrasyna berilgen.
Tergeý múddesi úshin ózge aqparat jariia etýge jatpaidy. Sonymen qatar, Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
