© Photo: SQO PD
Antikor politsiia general-maiory Berik Bilálovke qatysty tergeýdi aiaqtady, - dep habarlaidy "Ult aqparat" vedomstvonyń baspasóz qyzmetine silteme jasap.
"Sybailas jemqorlyqqa qarsy qyzmet 2021 jyly qylmystyq isti toqtatý syltaýymen aldaý arqyly 40 mln teńgeni ielengen politsiia general-maiory B.S. Bilálovke qatysty tergeýdi aiaqtady.
Qazirgi ýaqytta is aiyptaý aktisin bekitý úshin prokýratýraǵa jiberildi.
QR QPK 201-babyna sáikes tergeý múddesi úshin ózge aqparat jariia etýge jatpaidy. Sonymen birge Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen habarlamada.
Eske salaiyq, aqpanda Soltústik Qazaqstan oblysy boiynsha IID basshysynyń mindetin atqarýshy Berik Bilálovke qatysty sotaldy tergeý bastalǵany belgili bolǵan.
